¿Os míos bersos...?

Os míos bersos
Son femeninos
Cada parola i tien
O suyo perfume de muller
O suyo caminar
A lo largo de o poema
Ye femenino
S'albandona en o ritmo de l'augua

Os míos bersos
Tienen os labios pintatos
Y rechuman estrelas
Rosatas
(En ubrirse-sen esbeilan
Un rictus de frescor secsuata)
Quererban tener
Gotas de seduzión en as ninetas
As zellas enmarcando retallatas
Cadaguna d'ellas
O coloriato zerclo de a machia

Buscan
Unas mans con aimo
Y parar a meyas
Una mesa
Un mantel a cuadros
Calor y asperanzas

    Chuan Chusé Bielsa