Bueita casa abitata

Me preguntas por a mía casa
A o canto de campos y campos

A mía casa de finestras que beyen
Partir os camins enta soledaz

Dezaga de as puertas bi ha espazios
Do lo tiempo ye polbo de luz cansa

Amplos güellos de gatos como estatuas
Trespasan a frescor fosca de o patio

Paxaros dende luen ritornan emigratos
Y fan niedos entre l'aire de os graneros

Y reforman os años os muros grisencos
Y son campo tamién as cambras y o pasato

Me preguntaz por a mía pobra casa
A o canto de o mío país de yermos

Ó, sí, encara i torno de begatas
Anque os pais y os lolos sigan muertos

Encara i bibo entre as enruenas y as parabras
Anque siga solamén dende a presenzia de o ricuerdo

    Chuan Chusé Bielsa